STARFSKENNING MÍN

Kjartan Örn Kjartansson

Gullkistan

Bréf til Tryggingastofnunar 

Ég er að skrifa hér til að útskýra eftirfarandi.Í reit #3 á slysaskýrslunni setti ég reyndi að framkvæma verkið einn“ sem ástæðu slyss. Í bréfi ykkar báðuð þið um nánari skýringar á þessu og vona ég að eftirfarandi bréf veiti nánari upplýsingar. Ég er múrari að atvinnu. Daginn sem slysið átti sér stað var ég að vinna á þaki 3. hæðar nýbyggingar. Eftir að hafa lokið verki mínu á þakinu sá ég að um 150 kíló af múrsteinum gengu af. Frekar en að bera múrsteinana niður um 3 hæðir ákvað ég að láta þá síga niður til jarðar í hjólbörum og til þess ætlaði ég að nota talíu sem fest var utan á húsið á 3. hæð.  

Ég gekk niður og festi reipið sem tengt var í talíuna tryggilega við jörðina, þar næst fór ég upp á þak aftur og batt reipið í hjólbörurnar sem ég svo ýtti fram af brúninni. Þar næst fyllti ég hjólbörurnar með múrsteinunum. Að þessu loknu fór ég aftur niður á jörðu. Greip fast í reipið og losaði það. Eins og sjá má í reit #2 á slysaskýrslu er ég 85 kíló að þyngd. Vegna undrunar á mjög snöggu flugtaki láðist mér að sleppa reipinu. Það þarf varla að taka það fram að hraði uppferðar minnar var gríðalegur.

Um miðja 2. hæð mætti ég hjólbörunum sem voru á niðurleið. Þau kynni útskýra brákaða höfuðkúpu og brotið viðbein. Áreksturinn hægði aðeins lítið eitt á ferð minni upp á 3. hæð, sem stöðvaðist þegar hægri hönd mín rakst á kaf inn í talíuna. Sem betur fer tókst mér að halda meðvitund og takinu á reipinu þrátt fyrir mikil meiðsl og gríðarlegan sársauka. 

Á sama tíma féllu hjólbörurnar á jörðina, og ultu á hliðina sem olli því að múrsteinarnir féllu úr hjólbörunum. Þyngd hjólbara að þessu tagi er um 20 kíló. Ég vísa aftur til reitar #2. Eðli málsins samkvæmt hóf ég hraða niðurleið mína um leið og þetta hafði gerst. Um miðja 2. hæð rakst ég aftur á hjólbörurnar sem í þetta sinn voru á uppleið. Sá árekstur skýrir brákaða ökkla, skrámur og skurði á neðri hluta líkamans. Við þetta hægði lítið eitt á niðurleið minni og verður það að teljast til happs að áverkarnir við fallið á múrsteinshrúguna hafi ekki orðið alvarlegri en brotinn sköflungur og 2 fingur brotnuðu. 

Mér þykir leitt að tilkynna það að þar sem ég lá á múrsteinshrúgunni, ófær um að hreyfa mig vegna áverka og sársauka, að ég missti meðvitund og sleppti takinu á reipinu. Tómar hjólbörurnar, sem eru þyngri en reipið, komu aftur niður og lentu á mér þar sem ég lá, og brutu báða lærleggi. Ég vona að þetta útskýri betur hvað gerðist, og skráning mín í slysaskýrslu „reyndi að framkvæma verkið einn“ varpi ljósi á málið. 

Virðingarfyllst, Kjartan Örn

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

 
%d bloggers like this: